خدماتي - للخدمات المنزلية

السبلت ما يبرّد؟ الثلاجة حارة؟ القاطع يفصل؟ السيفون يخر؟
خدماتي تطبيق عراقي للخدمات المنزلية. تختار الخدمة، توصف المشكلة، والفنّي يجيك لباب البيت في بغداد وكربلاء والنجف وبابل.

شلون يشتغل
١. اختار الخدمة واوصف المشكلة، وتگدر تضيف صورة.
٢. حدد منطقتك والوقت اللي يناسبك.
٣. الفنّي يقبل طلبك ويتصل بيك حتى تتفقون على الموعد.
٤. السعر يتأكد وياك قبل ما يبدي الشغل.
٥. بعد ما يخلص الشغل تقيّم الفنّي.

مكالمات صوتية داخل التطبيق
تگدر تحچي ويا الفنّي بمكالمة صوتية من داخل التطبيق، والمكالمة ترن عندك حتى لو شاشة الموبايل مقفلة حتى ما تفوتك. والفنّي ممكن هم يتصل بيك على رقمك أو على واتساب حتى تتفقون على الموعد.

ليش خدماتي
• السعر يتأكد وياك قبل الشغل. يعتمد على نوع الخدمة وحجم الشغل والمنطقة، وما تدفع شي مقدّماً بالتطبيق.
• كل فنّي يسجّل بهويته، وما يستلم طلبات إلا بعد موافقة الإدارة.
• ضمان ٣٠ يوم على خدمات الصيانة: المكيفات، الثلاجات، الغسالات، الكهرباء، السباكة، السخانات، الطباخات وغيرها. ونقل الأثاث بضمان من الضرر والخدوش. التنظيف والغسيل عليها التزام بالجودة.
• تقييمات الزبائن تشوفها بصفحة كل خدمة قبل ما تطلب.
• فريق المتابعة يتابع طلبك بالمحادثة داخل التطبيق وعلى واتساب.
• أكثر من ٩ آلاف طلب منجز عن طريق خدماتي.

الخدمات
سبالت ومكيفات، ثلاجات ومجمدات، غسالات ملابس وصحون، كهربائي، سباكة وصحيات، سخانات، طباخات، أجهزة كهربائية، شاشات وستلايت، كاميرات مراقبة، نجارة، حدادة، ألمنيوم، صبغ ودهان، ديكورات، عزل سطوح، أتخم وقنفات، نقل أثاث، تنظيف منازل، غسل سجاد، غسل وكوي، أعمال بناء، حدائق وشلالات، فلاتر مياه، وصالون نسائي منزلي ببغداد.
التوفر يختلف حسب المحافظة، وتشوف الموجود بمنطقتك داخل التطبيق.

وين نشتغل
بغداد، كربلاء، النجف، وبابل.

حمّل تطبيق خدماتي واطلب فنّي.
إنت ترتاح… وإحنا نشتغل